ਪੰਜਾਬੀ ਬੋਲਣ ਵਾਲੇ ਸਾਇਕੋਲੋਜਿਸਟ, ਕਾਊਂਸਲਰ ਅਤੇ ਥੈਰੇਪਿਸਟ

ਅਕਸਰ ਪੁੱਛੇ ਜਾਣ ਵਾਲੇ ਪ੍ਰਸ਼ਨ

• ਕੀ ਮੈਂ ਪੰਜਾਬੀ ਵਿੱਚ ਥੈਰੇਪੀ ਲੈ ਸਕਦਾ ਹਾਂ?

  ਹਾਂ। Equana Minds ਤੁਹਾਨੂੰ ਉਨ੍ਹਾਂ ਥੈਰੇਪਿਸਟਾਂ ਨਾਲ ਜੋੜਦਾ ਹੈ ਜੋ ਪੰਜਾਬੀ ਅਤੇ ਹੋਰ ਕਈ ਭਾਸ਼ਾਵਾਂ ਬੋਲਦੇ ਹਨ। ਤੁਸੀਂ ਉਸ ਭਾਸ਼ਾ ਵਿੱਚ ਸੈਸ਼ਨ ਕਰਵਾਉਣਾ ਚੁਣ ਸਕਦੇ ਹੋ ਜਿਸ ਵਿੱਚ ਗੱਲ ਕਰਨਾ ਤੁਸੀਂ ਸਭ ਤੋਂ ਵੱਧ ਸਹਿਜ ਮਹਿਸੂਸ ਕਰਦੇ ਹੋ।

  ਅਸੀਂ ਇਹ ਵੀ ਸਮਝਦੇ ਹਾਂ ਕਿ ਇੱਕੋ ਭਾਸ਼ਾ ਬੋਲਣ ਵਾਲੇ ਲੋਕ ਵੱਖ-ਵੱਖ ਦੇਸ਼ਾਂ, ਸੱਭਿਆਚਾਰਾਂ ਅਤੇ ਪਿਛੋਕੜਾਂ ਤੋਂ ਹੋ ਸਕਦੇ ਹਨ। ਇਸ ਲਈ ਜਿੱਥੇ ਸੰਭਵ ਹੋਵੇ, ਅਸੀਂ ਤੁਹਾਨੂੰ ਅਜਿਹੇ ਥੈਰੇਪਿਸਟ ਨਾਲ ਮਿਲਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ ਜੋ ਸਿਰਫ਼ ਤੁਹਾਡੀ ਭਾਸ਼ਾ ਹੀ ਨਹੀਂ, ਸਗੋਂ ਤੁਹਾਡੇ ਸੱਭਿਆਚਾਰਕ ਪਿਛੋਕੜ ਅਤੇ ਜੀਵਨ ਅਨੁਭਵਾਂ ਨੂੰ ਵੀ ਸਮਝਦਾ ਹੋਵੇ।

• ਆਪਣੀ ਮਾਤ-ਭਾਸ਼ਾ ਵਿੱਚ ਥੈਰੇਪੀ ਲੈਣਾ ਕਿਉਂ ਫਾਇਦਾਮੰਦ ਹੁੰਦਾ ਹੈ?

  ਬਹੁਤ ਸਾਰੇ ਲੋਕਾਂ ਲਈ ਆਪਣੇ ਵਿਚਾਰਾਂ, ਭਾਵਨਾਵਾਂ ਅਤੇ ਨਿੱਜੀ ਅਨੁਭਵਾਂ ਨੂੰ ਆਪਣੀ ਮਾਤ-ਭਾਸ਼ਾ ਵਿੱਚ ਬਿਆਨ ਕਰਨਾ ਆਸਾਨ ਹੁੰਦਾ ਹੈ। ਭਾਸ਼ਾ ਦਾ ਸੱਭਿਆਚਾਰ, ਸਵੈ-ਪਛਾਣ ਅਤੇ ਦੁਨੀਆ ਨੂੰ ਸਮਝਣ ਦੇ ਸਾਡੇ ਢੰਗ ਨਾਲ ਗਹਿਰਾ ਸੰਬੰਧ ਹੁੰਦਾ ਹੈ।

  ਖੋਜ ਅਤੇ ਅੰਤਰਰਾਸ਼ਟਰੀ ਮਾਨਸਿਕ ਸਿਹਤ ਸੰਸਥਾਵਾਂ ਵੀ ਇਹ ਮੰਨਦੀਆਂ ਹਨ ਕਿ ਕਿਸੇ ਵਿਅਕਤੀ ਨੂੰ ਉਸਦੀ ਮਨਪਸੰਦ ਭਾਸ਼ਾ ਅਤੇ ਸੱਭਿਆਚਾਰਕ ਸੰਦਰਭ ਵਿੱਚ ਸਹਾਇਤਾ ਪ੍ਰਦਾਨ ਕਰਨਾ ਮਹੱਤਵਪੂਰਨ ਹੈ।

  ਜਦੋਂ ਥੈਰੇਪੀ ਉਸ ਭਾਸ਼ਾ ਵਿੱਚ ਮਿਲਦੀ ਹੈ ਜਿਸ ਵਿੱਚ ਤੁਸੀਂ ਸਹਿਜ ਮਹਿਸੂਸ ਕਰਦੇ ਹੋ, ਤਾਂ ਇਹ:

  • ਤੁਹਾਨੂੰ ਆਪਣੀਆਂ ਭਾਵਨਾਵਾਂ ਨੂੰ ਵਧੇਰੇ ਸੁਭਾਵਿਕ ਢੰਗ ਨਾਲ ਸਮਝਾਉਣ ਵਿੱਚ ਮਦਦ ਕਰਦੀ ਹੈ

  • ਤੁਹਾਡੇ ਅਤੇ ਤੁਹਾਡੇ ਥੈਰੇਪਿਸਟ ਵਿਚਕਾਰ ਮਜ਼ਬੂਤ ਸੰਬੰਧ ਬਣਾਉਣ ਵਿੱਚ ਸਹਾਇਤਾ ਕਰਦੀ ਹੈ

  • ਗਲਤਫ਼ਹਿਮੀਆਂ ਹੋਣ ਦੀ ਸੰਭਾਵਨਾ ਘਟਾਉਂਦੀ ਹੈ

  • ਇਸ ਪੂਰੀ ਪ੍ਰਕਿਰਿਆ ਨੂੰ ਵਧੇਰੇ ਸੁਰੱਖਿਅਤ ਅਤੇ ਨਿੱਜੀ ਮਹਿਸੂਸ ਕਰਵਾਉਂਦੀ ਹੈ

  ਕਈ ਲੋਕਾਂ ਲਈ, ਆਪਣੀ ਮਾਤ-ਭਾਸ਼ਾ ਵਿੱਚ ਗੱਲ ਕਰਨਾ ਥੈਰੇਪੀ ਨੂੰ ਉਨ੍ਹਾਂ ਲਈ ਵਧੇਰੇ ਸੁਭਾਵਿਕ, ਅਰਥਪੂਰਨ ਅਤੇ ਲਾਭਦਾਇਕ ਬਣਾਉਂਦਾ ਹੈ।

• Equana Minds ਕਿਵੇਂ ਕੰਮ ਕਰਦਾ ਹੈ?

  ਤੁਸੀਂ ਜਾਂ ਤਾਂ ‘‘ਥੈਰੇਪਿਸਟ ਵੇਖੋ” ਵਿੱਚੋਂ ਚੁਣ ਸਕਦੇ ਹੋ ਜਾਂ ਸਾਡੀ ”ਆਪਣੇ ਥੈਰੇਪਿਸਟ ਨਾਲ ਜੁੜੋ” ਪ੍ਰਕਿਰਿਆ ਪੂਰੀ ਕਰ ਸਕਦੇ ਹੋ। ਅਸੀਂ ਤੁਹਾਨੂੰ ਉਸ ਥੈਰੇਪਿਸਟ ਨਾਲ ਜੋੜਣ ਵਿੱਚ ਮਦਦ ਕਰਾਂਗੇ ਜੋ ਪੰਜਾਬੀ ਬੋਲਦਾ ਹੋਵੇ ਅਤੇ ਤੁਹਾਡੀਆਂ ਲੋੜਾਂ ਮੁਤਾਬਿਕ ਢੁੱਕਵਾਂ ਹੋਵੇ। ਸੈਸ਼ਨ ਸੁਰੱਖਿਅਤ ਟੈਲੀਹੈਲਥ ਪਲੇਟਫਾਰਮ ਰਾਹੀਂ ਔਨਲਾਈਨ ਕੀਤੇ ਜਾਂਦੇ ਹਨ। ਆਮ ਤੌਰ ‘ਤੇ ਇਕੱਲੇ ਵਿਅਕਤੀ ਲਈ ਇਹ ਸੈਸ਼ਨ 50 ਮਿੰਟ ਦੇ ਹੁੰਦੇ ਹਨ ਅਤੇ ਜੋੜਿਆਂ ਲਈ ਇਹ ਸੈਸ਼ਨ 80 ਮਿੰਟ ਦੇ ਹੁੰਦੇ ਹਨ।

  ਆਪਣਾ ਪੰਜਾਬੀ ਬੋਲਣ ਵਾਲਾ ਸਾਇਕੋਲੋਜਿਸਟ, ਕਾਊਂਸਲਰ ਜਾਂ ਥੈਰੇਪਿਸਟ ਲੱਭਣ ਲਈ ਅਤੇ ਆਪਣਾ ਪਹਿਲਾ 20 ਮਿੰਟ ਦਾ ਸੈਸ਼ਨ ਬੁੱਕ ਕਰਨ ਲਈ, ਸਾਡੇ ”ਥੈਰੇਪਿਸਟ ਵੇਖੋ” ਅਤੇ ”ਆਪਣੇ ਥੈਰੇਪਿਸਟ ਨਾਲ ਜੁੜੋ” ਭਾਗ ਵੇਖੋ।

• ਮੈਂ ਕਿਸ ਤਰ੍ਹਾਂ ਦੇ ਥੈਰੇਪਿਸਟਾਂ ਨੂੰ ਮਿਲ ਸਕਦਾ ਹਾਂ?

  ਸਾਡੀ ਟੀਮ ਵਿੱਚ ਆਸਟ੍ਰੇਲੀਆ ਵਿੱਚ ਹੋਣ ਵਾਲੇ ਪੰਜਾਬੀ ਬੋਲਦੇ ਥੈਰੇਪਿਸਟ ਸ਼ਾਮਲ ਹਨ

  • ਰਜਿਸਟਰਡ ਸਾਇਕੋਲੋਜਿਸਟ
  • ਕਲੀਨਿਕਲ ਸਾਇਕੋਲੋਜਿਸਟ
  • ਰਜਿਸਟਰਡ ਕਾਊਂਸਲਰ ਅਤੇ ਸਾਇਕੋਥੈਰੇਪਿਸਟ

  ਤੁਸੀਂ ਉਹ ਥੈਰੇਪਿਸਟ ਚੁਣ ਸਕਦੇ ਹੋ ਜੋ ਤੁਹਾਡੀਆਂ ਲੋੜਾਂ, ਟੀਚਿਆਂ ਅਤੇ ਬਜਟ ਦੇ ਮੁਤਾਬਿਕ ਢੁੱਕਵਾਂ ਹੋਵੇ। ਜੇਕਰ ਤੁਸੀਂ ਰਜਿਸਟਰਡ ਸਾਇਕੋਲੋਜਿਸਟ ਜਾਂ ਕਲੀਨਿਕਲ ਸਾਇਕੋਲੋਜਿਸਟ ਨੂੰ ਮਿਲਦੇ ਹੋ, ਤਾਂ ਤੁਸੀਂ ਮੈਡੀਕੇਅਰ ਰੀਬੇਟ ਲਈ ਵੀ ਯੋਗ ਹੋ ਸਕਦੇ ਹੋ।

• ਕੀ ਇਹ ਥੈਰੇਪਿਸਟ ਯੋਗਤਾ ਪ੍ਰਾਪਤ ਅਤੇ ਤਜਰਬੇਕਾਰ ਹਨ?

  ਹਾਂ। ਸਾਡੇ ਪਲੇਟਫਾਰਮ ‘ਤੇ ਮੌਜੂਦ ਸਾਰੇ ਪੰਜਾਬੀ ਬੋਲਣ ਵਾਲੇ ਥੈਰੇਪਿਸਟ ਸਿਖਲਾਈ ਪ੍ਰਾਪਤ ਅਤੇ ਤਜਰਬੇਕਾਰ ਮਾਹਿਰ ਹਨ। ਆਸਟ੍ਰੇਲੀਆ ਵਿੱਚ ਅਧਾਰਿਤ ਸਾਇਕੋਲੋਜਿਸਟ AHPRA (ਆਸਟ੍ਰੇਲੀਅਨ ਹੈਲਥ ਪ੍ਰੈਕਟੀਸ਼ਨਰ ਰੈਗੂਲੇਸ਼ਨ ਏਜੰਸੀ) ਨਾਲ ਰਜਿਸਟਰਡ ਹਨ।

  ਕਾਊਂਸਲਰ ਅਤੇ ਸਾਇਕੋਥੈਰੇਪਿਸਟ ਮਾਨਤਾ ਪ੍ਰਾਪਤ ਪੇਸ਼ੇਵਰ ਸੰਸਥਾਵਾਂ ਰਾਹੀਂ ਰਜਿਸਟਰਡ ਹਨ, ਜਿਵੇਂ ਕਿ ACA (ਆਸਟ੍ਰੇਲੀਅਨ ਕਾਊਂਸਲਿੰਗ ਐਸੋਸੀਏਸ਼ਨ) ਅਤੇ PACFA (ਸਾਈਕੋਥੈਰੇਪੀ ਅਤੇ ਕਾਊਂਸਲਿੰਗ ਫੈਡਰੇਸ਼ਨ ਆਫ਼ ਆਸਟ੍ਰੇਲੀਆ)।

  ਸਾਡੇ ਸਾਰੇ ਸਾਇਕੋਲੋਜਿਸਟ, ਕਾਊਂਸਲਰ ਅਤੇ ਥੈਰੇਪਿਸਟ ਸਾਡੀ ਟੀਮ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਇੱਕ ਵਿਸਥਾਰ-ਪੂਰਵਕ ਭਰਤੀ ਅਤੇ ਜਾਂਚ ਪ੍ਰਕਿਰਿਆ ਰਾਹੀਂ ਪਰਖੇ ਗਏ ਹਨ।

• ਕੀ ਮੈਂ ਮੈਡੀਕੇਅਰ ਜਾਂ ਪ੍ਰਾਈਵੇਟ ਇੰਸ਼ੋਰੈਂਸ ਵਰਤ ਸਕਦਾ ਹਾਂ?

  ਜੇਕਰ ਤੁਸੀਂ ਆਪਣੇ GP ਤੋਂ ਰੈਫ਼ਰਲ ਅਤੇ ਜਾਇਜ਼ “ਮੈਂਟਲ ਹੈਲਥ ਟਰੀਟਮੈਂਟ ਪਲਾਨ” (MHCP) ਨਾਲ ਕਿਸੇ AHPRA-ਰਜਿਸਟਰਡ ਸਾਇਕੋਲੋਜਿਸਟ ਨੂੰ ਮਿਲਦੇ ਹੋ, ਤਾਂ ਤੁਸੀਂ ਮੈਡੀਕੇਅਰ ਰੀਬੇਟ ਲਈ ਯੋਗ ਹੋ ਸਕਦੇ ਹੋ। ਤੁਸੀਂ ‘ਤੇ ਉਪਲਬਧ ਇੱਕ ਔਨਲਾਈਨ ਜੀਪੀ ਤੋਂ MHCP ਵੀ ਪ੍ਰਾਪਤ ਕਰ ਸਕਦੇ ਹੋ।

  ਤੁਹਾਡੇ ਬੀਮਾਕਰਤਾ, ਬੀਮਾ ਕਵਰ ਦੇ ਪੱਧਰ ਅਤੇ ਤੁਸੀਂ ਜਿਸ ਪੰਜਾਬੀ ਬੋਲਣ ਵਾਲੇ ਸਾਇਕੋਲੋਜਿਸਟ ਜਾਂ ਕਾਊਂਸਲਰ ਨੂੰ ਮਿਲ ਰਹੇ ਹੋ, ਇਨ੍ਹਾਂ ਗੱਲਾਂ ਦੇ ਆਧਾਰ ‘ਤੇ ਪ੍ਰਾਈਵੇਟ ਹੈਲਥ ਰੀਬੇਟ ਵੀ ਉਪਲਬਧ ਹੋ ਸਕਦੇ ਹਨ।

• ਰਜਿਸਟਰਡ ਸਾਇਕੋਲੋਜਿਸਟ, ਕਲੀਨਿਕਲ ਸਾਇਕੋਲੋਜਿਸਟ ਅਤੇ ਕਾਊਂਸਲਰ ਵਿੱਚ ਕੀ ਫ਼ਰਕ ਹੁੰਦਾ ਹੈ?

  ਸਾਇਕੋਲੋਜਿਸਟ ਅਤੇ ਕਾਊਂਸਲਰ ਸਾਰੇ ਸਿਖਲਾਈ ਪ੍ਰਾਪਤ ਪੇਸ਼ੇਵਰ ਹੁੰਦੇ ਹਨ ਜੋ ਗੱਲਬਾਤ-ਰਾਹੀਂ ਸਹਾਇਤਾ ਪ੍ਰਦਾਨ ਕਰਦੇ ਹਨ, ਪਰ ਉਨ੍ਹਾਂ ਦੀ ਸਿਖਲਾਈ, ਰਜਿਸਟ੍ਰੇਸ਼ਨ, ਅਤੇ ਮੁਹਾਰਤ ਦੇ ਖੇਤਰ ਵੱਖਰੇ ਹੋ ਸਕਦੇ ਹਨ।

  ਰਜਿਸਟਰਡ ਸਾਇਕੋਲੋਜਿਸਟ ਯੂਨੀਵਰਸਿਟੀ-ਸਿੱਖਿਅਤ ਮਾਨਸਿਕ ਸਿਹਤ ਮਾਹਿਰ ਹੁੰਦੇ ਹਨ ਜੋ AHPRA ਨਾਲ ਰਜਿਸਟਰਡ ਹੁੰਦੇ ਹਨ। ਇਹ ਸਬੂਤ-ਅਧਾਰਿਤ ਮਨੋਵਿਗਿਆਨਕ ਥੈਰੇਪੀਆਂ ਦੀ ਵਰਤੋਂ ਕਰਦੇ ਹੋਏ ਮਾਨਸਿਕ ਸਿਹਤ ਨਾਲ ਸੰਬੰਧਿਤ ਵੱਖ-ਵੱਖ ਸਮੱਸਿਆਵਾਂ ਦਾ ਮੁਲਾਂਕਣ, ਪਛਾਣ ਅਤੇ ਇਲਾਜ ਕਰਨ ਲਈ ਯੋਗ ਹੁੰਦੇ ਹਨ। ਯੋਗ ਗਾਹਕਾਂ ਲਈ ਮੈਡੀਕੇਅਰ ਰੀਬੇਟ ਉਪਲਬਧ ਹੋ ਸਕਦੇ ਹਨ।

  ਕਲਿਨੀਕਲ ਸਾਇਕੋਲੋਜਿਸਟ ਉਹ ਸਾਇਕੋਲੋਜਿਸਟ ਹੁੰਦੇ ਹਨ ਜਿਨ੍ਹਾਂ ਨੇ ਕਲਿਨੀਕਲ ਸਾਇਕੋਲੋਜੀ ਵਿੱਚ ਵਧੀਕ ਪੋਸਟ-ਗ੍ਰੈਜੂਏਟ ਸਿਖਲਾਈ ਅਤੇ ਨਿਗਰਾਨੀ ਹੇਠ ਅਭਿਆਸ ਪੂਰਾ ਕੀਤਾ ਹੁੰਦਾ ਹੈ। ਇਹ ਅਕਸਰ ਵਧੇਰੇ ਗੁੰਝਲਦਾਰ ਜਾਂ ਗੰਭੀਰ ਮਾਨਸਿਕ ਸਿਹਤ ਸਮੱਸਿਆਵਾਂ ਵਾਲੇ ਲੋਕਾਂ ਨਾਲ ਕੰਮ ਕਰਦੇ ਹਨ। ਯੋਗ ਗਾਹਕਾਂ ਲਈ ਮੈਡੀਕੇਅਰ ਰੀਬੇਟ ਉਪਲਬਧ ਹੋ ਸਕਦੇ ਹਨ।

  ਕਾਊਂਸਲਰ ਅਤੇ ਸਾਇਕੋਥੈਰੇਪਿਸਟ ਭਾਵਨਾਤਮਕ ਚੁਣੌਤੀਆਂ, ਜੀਵਨ ਦੇ ਬਦਲਾਅ, ਰਿਸ਼ਤਿਆਂ ਦੀਆਂ ਸਮੱਸਿਆਵਾਂ, ਤਣਾਅ ਅਤੇ ਨਿੱਜੀ ਵਿਕਾਸ ਨਾਲ ਸੰਬੰਧਿਤ ਮਸਲਿਆਂ ਲਈ ਸਹਾਇਕ ਅਤੇ ਗੱਲਬਾਤ-ਅਧਾਰਿਤ ਥੈਰੇਪੀ ਪ੍ਰਦਾਨ ਕਰਦੇ ਹਨ। ਬਹੁਤ ਸਾਰੇ ਮਾਹਿਰ ਪੇਸ਼ੇਵਰ ਸੰਸਥਾਵਾਂ ਰਾਹੀਂ ਮਾਨਤਾ-ਪ੍ਰਾਪਤ ਹੁੰਦੇ ਹਨ, ਅਤੇ ਕਾਊਂਸਲਿੰਗ ਜਾਂ ਸਾਇਕੋਥੈਰੇਪੀ ਤਰੀਕਿਆਂ ਵਿੱਚ ਵਿਸ਼ੇਸ਼ ਸਿਖਲਾਈ ਪ੍ਰਾਪਤ ਹੁੰਦੇ ਹਨ।

  ਇਹ ਤਿੰਨੇ ਹੀ ਅਰਥਪੂਰਨ ਸਹਾਇਤਾ ਪ੍ਰਦਾਨ ਕਰ ਸਕਦੇ ਹਨ, ਅਤੇ ਸਭ ਤੋਂ ਬੇਹਤਰੀਨ ਚੋਣ ਤੁਹਾਡੀਆਂ ਲੋੜਾਂ, ਟੀਚਿਆਂ ਅਤੇ ਤਰਜੀਹਾਂ ‘ਤੇ ਨਿਰਭਰ ਕਰਦੀ ਹੈ।

• ਸੈਸ਼ਨਾਂ ਦੀ ਕੀਮਤ ਕਿੰਨੀ ਹੁੰਦੀ ਹੈ?

  ਸੈਸ਼ਨ ਦੀ ਫ਼ੀਸ ਥੈਰੇਪਿਸਟ ਦੀ ਯੋਗਤਾ ਅਤੇ ਤਜਰਬੇ ਦੇ ਅਨੁਸਾਰ ਵੱਖ-ਵੱਖ ਹੋ ਸਕਦੀ ਹੈ, ਹੋਰ ਜਾਣਕਾਰੀ ਲਈ ਉੱਪਰ ਦਿੱਤੀਆਂ ਸਾਡੀਆਂ ਕੀਮਤਾਂ ਵੇਖੋ ।

  ਤੁਸੀਂ ਬੁੱਕਿੰਗ ਕਰਨ ਤੋਂ ਪਹਿਲਾਂ ਹਰ ਥੈਰੇਪਿਸਟ ਦੀ ਫ਼ੀਸ ਉਸਦੇ ਪ੍ਰੋਫ਼ਾਈਲ ‘ਤੇ ਵੇਖ ਸਕਦੇ ਹੋ।

• ਕੀ ਸੈਸ਼ਨ ਔਨਲਾਈਨ ਹੁੰਦੇ ਹਨ ਜਾਂ ਵਿਅਕਤੀਗਤ ਤੌਰ ‘ਤੇ ਮਿਲ ਕੇ?

  ਸਾਡੇ ਸਾਰੇ ਸੈਸ਼ਨ ਇੱਕ ਸੁਰੱਖਿਅਤ ਟੈਲੀਹੈਲਥ ਪਲੇਟਫਾਰਮ ਦੀ ਵਰਤੋਂ ਕਰਕੇ ਔਨਲਾਈਨ ਕਰਵਾਏ ਜਾਂਦੇ ਹਨ। ਇਸ ਨਾਲ ਤੁਸੀਂ ਜਿੱਥੇ ਵੀ ਹੋ, ਉੱਥੋਂ ਹੀ ਆਪਣੀ ਸੁਵਿਧਾ ਦੇ ਅਨੁਸਾਰ ਥੈਰੇਪੀ ਲੈ ਸਕਦੇ ਹੋ।

• ਜੇਕਰ ਥੈਰੇਪਿਸਟ ਮੇਰੇ ਲਈ ਸਹੀ ਨਾ ਹੋਵੇ, ਤਾਂ ਕੀ ਮੈਂ ਥੈਰੇਪਿਸਟ ਨੂੰ ਬਦਲ ਸਕਦਾ ਹਾਂ?

  ਹਾਂ। ਆਪਣੇ ਲਈ ਸਹੀ ਥੈਰੇਪਿਸਟ ਲੱਭਣਾ ਮਹੱਤਵਪੂਰਨ ਹੈ। ਜੇਕਰ ਤੁਹਾਨੂੰ ਲੱਗੇ ਕਿ ਤੁਹਾਡਾ ਥੈਰੇਪਿਸਟ ਤੁਹਾਡੇ ਲਈ ਸਹੀ ਨਹੀਂ ਹੈ, ਤਾਂ ਤੁਸੀਂ ਕਿਸੇ ਵੀ ਸਮੇਂ ਥੈਰੇਪਿਸਟ ਬਦਲ ਸਕਦੇ ਹੋ।

• ਕੀ ਮੇਰੀ ਜਾਣਕਾਰੀ ਨਿੱਜੀ ਅਤੇ ਗੁਪਤ ਰੱਖੀ ਜਾਂਦੀ ਹੈ?

  ਹਾਂ। ਤੁਹਾਡੀ ਨਿੱਜੀ ਜਾਣਕਾਰੀ ਅਤੇ ਸੈਸ਼ਨਾਂ ਨੂੰ ਪੇਸ਼ੇਵਰ ਗੁਪਤਤਾ ਮਿਆਰਾਂ ਅਤੇ ਨਿੱਜਤਾ ਕਾਨੂੰਨਾਂ ਦੇ ਅਨੁਸਾਰ ਸੰਭਾਲਿਆ ਜਾਂਦਾ ਹੈ। ਅਸੀਂ ਆਪਣੇ ਪ੍ਰੈਕਟਿਸ ਮੈਨੇਜਮੈਂਟ ਸੌਫ਼ਟਵੇਅਰ ਵਜੋਂ Halaxy ਨਾਲ ਕੰਮ ਕਰਦੇ ਹਾਂ, ਜੋ ਕਿ ISO 27001 ਪ੍ਰਮਾਣਿਤ (ਇੰਫੋਰਮੇਸ਼ਨ ਸਕਿਊਰਿਟੀ ਮੈਨਜਮੈਂਟ ਸਿਸਟਮ) ਅਤੇ HIPAA ਦੇ ਨਿਯਮਾਂ ਦੀ ਪਾਲਣਾ ਕਰਦਾ ਹੈ (Halaxy)।  ਤੁਸੀਂ ਸਾਡੀ ਨਿੱਜਤਾ ਨੀਤੀ ਇੱਥੇ ਦੇਖ ਸਕਦੇ ਹੋ